شعر: مَيّ اللافي

وَا نَفْسِيْ اللَّى عَلَى الأحْلامْ تَوَّاقه

آمَالْ تَحْقِيْقَهَا مِزْرِيْةٍ أقْطَعْهَا

عِجُوْز الايَّامْ تَقْعِدْ لِيْ عَلَى فَاقه..!

إنْ قِلْت: قُوْمِيْ.. تِشُوْح وْيَوْمِيْ أصْبِعْهَا

يِحْيَا الْبَنَادَمْ عَلَى تَدْبِيْر خَلاَّقه

بَسْ فِيْه نَاسٍ تِحَرْم النَّاسْ مَطْمَعْهَا..!

الْيَا اعْرِضَتْ لِيْ أعَافْ الْحَظّ وِسْبَاقه

أجْلِسْ عَلَى فَكَّةْ ايَّامِيْ لِسَابِعْهَا

لِيْ رُوْح لِمْطَارَدْ الأمْطَارْ مِشْتَاقه

وِدْعَايْ يَشْغِلْ لِسَانِيْ حِيْن أتَابِعْهَا