قالت هبة التركي زوجة الراحل إبراهيم شيكا لاعب الزمالك السابق، بأن زوجها كان يتمنى الحصول على عضوية نادي الزمالك طوال حياته، وأن حالته كان ميؤوس منها، ويستعرض موقع تليجراف الخليج تصريحات هبة التركي.

تصريحات هبة التركي

وأضافت هبة التركي في تصريحات تليفزيونية على قناة اليوم، يوم وفاة إبراهيم شيكا أول ما بلغني الدكتور بوفاته استمريت في الغرفة معاه لمدة ساعتين بعد الوفاة، وقبل ما يموت بساعة كان بيقولي هقوم وأكون كويس وأعوضك عن كل حاجة، وفترة مرضة كانت سنة و8 شهور.

وتابعت هبة التركي، أنا كنت عارفة من 8 شهور قبل ما يموت أنه مش هيقوم تاني، ورفضت أنه يدخل معهد الأورام لأن حالته كانت صعبة جداً، وكنت بقوله أنت كويس والدكتور قالي لو استمر 3 شهور فهو هيكون بطل، وفيه دكتور قالي نعمله كيماوي موجه وبعد كذا جرعة حصل له انسداد وكان هيعمل عملية، الدكتور قالي ياتمشي ونعمل العملية وهو ونصيبة أو ما تمضيش وتسيبيه يموت.

وأكملت هبة التركي، المرض انتشر في جسمه كله وظهر على عينه ورقبته، وقبل وفاة شيكا بأيام حلمت بأنه مات، وهو اختار المدفن اللي اتدفن فيه، وفيه ناس كتير خذلتني واللي خذلوني بعد وفاة شيكا أكتر من اللي خذلوني وهو عايش، وعمري ما كنت بتاجر بمرضه وكنت عاوزاة يكون كويس.

وواصلت هبة التركي، شيكا كان بينام بصعوبة بسبب الألم وفيه ناس قالت إني كنت بصورة وبتاجر بالمرض وقالوا صورته وهو ميت وكانوا بيقولوا بعمل أكريليك وشعري، وكنت بنزل اشتغل وبعمل شغلي في البيوتي سنتر، ونادي الزمالك لم يتدخل في دعم إبراهيم شيكا.

وأشارت هبة التركي، المستشار مرتضى منصور ساعد إبراهيم شيكا وهو خارج النادي ودفع 70 ألف جنية، وشيكا كلم حسين لبيب وقاله ساعدني لوجه لله مش تساعدني لأني كنت لاعب سابق في النادي فعمل له بلوك، وروحت النادي بنفسي سلموني ظرف فيه 3000 جنية ورفضت استلمهم، وكان نفسه في عضوية نادي الزمالك.